Minifutbol üzrə Ulu öndər Heydər Əliyevin 100 illik xatirəsinə həsr olunan beynəlxalq turnir start götürəcək.
Bakıda keçiriləcək yarışda 8 komanda mübarizə aparacaq.

Azadmedia.az xəbər verir ki, Elşad Quliyevin çalışdırdığı Azərbaycan millisi A qrupunda Çexiya (1 may), İtaliya (2 may), Gürcüstan (3 may) və Serbiya (4 may) ilə qarşılaşacaq. Digər qrupda isə Fransa, Ukrayna, Qazaxıstan, Türkiyə və CAR yer alıb.

Artıq iştirakçı ölkələrin təmsilçiləri paytaxtımıza təşrif buyurub. Sabah saat 20:00-da yığmamızla Bakı Tennis Akademiyasının meydavnçasında üz-üzə gəlməli olan çexlərdən başqa.

Sözügedən komandanı gətirən təyyarə Bakı Hava Limanına eniş edə bilməyib. «Hava gəmisi» 1,5 saat Bakı səmasında dövrə vursa da, küləyin sürəti enişə imkan verməyib.
Hərbiand xəbər verir ki, təyyarə Gürcüstana - Tbilisiyə səmt alıb. Çexiya millisinin qonşu ölkə paytaxtından bura nə vaxt və necə səfər edəcəyi hələ məlum deyil.