Qafqazinfo-ya istinadla xəbər vermişdik ki, Abşeron rayonunda qadın atraksiondan yıxılıb ölüb. Bədbəxt hadisə Xırdalan parkında baş verib.
Abşeron rayon sakini, 1987-ci il təvəllüdlü Nuriyeva Minayə Rasim qızı iyunun 8-də saat 17 radələrində Xırdalan şəhərində yerləşən Heydər Əliyev adına parkda hündürlükdən yıxılıb.

Belə ki, 36 yaşlı qadın dairəvi hərəkət edən 5 qoşqudan ibarət, delfin şəkilli karuselin 2-ci qoşqusundan yıxılıb. O, qarının küt travması, daxili qanaxma, qapalı kəllə-beyin travması, alt çənə sınığı, sağ bazunun açıq sınığı, II və III dərəcəli travmatik şok diaqnozu ilə Respublika Klinik Xəstəxanasına daxil olub.

M.Nuriyeva dünən saat 07:40-da xəstəxanada vəfat edib.
Azadmedia az-a daxil olan məlumata görə vəfat edən xanım Xırdalanda gözəllik salonlarından birində işləyib. Minayə Nuriyeva iki övlad anası idi. Allah rəhmət eləsin!