ABŞ Senatının Xarici Əlaqələr Komitəsinin sədri Robert Menendez (Demokrat) və Komitənin yüksək vəzifəli respublikaçı Ceyms Riş ABŞ prezidenti Co Baydenin administrasiyasını Çin aviaşirkətlərinə və ABŞ-a aid olmayan digər aviadaşıyıcıların Rusiya ərazisi üzərindən uçuşlarını qadağan etməyə çağırıb. Azadmedia.az xəbər verir ki, bu barədə Reuters yazır.

Məktub dövlət katibi Entoni Blinkenə, nəqliyyat katibi Pit Buttejac və prezidentin daxili təhlükəsizlik üzrə köməkçisi Ceyk Sallivana müraciət edir. Onlardan tələb olunur ki, Rusiya Federasiyasının ərazisi üzərində uçan kommersiya aviaşirkətlərinin təyyarələri Amerika hava limanlarına gəlməsin və oradan qalxmasın.

Onlar həmçinin rəsmi səfərdə olan məmurlara Rusiya hava məkanında uçmağı qadağan etməyi təklif edirlər.

Xatırladaq ki, Rusiya prezidenti Vladimir Putin LXR və DXR rəhbərlərinin yardım xahişinə cavab olaraq Ukraynada hərbi xüsusi əməliyyat keçirmək qərarına gəldiyini açıqlayıb.
Əməliyyatın keçirilməsi qərarı ABŞ və müttəfiqləri tərəfindən Rusiyaya qarşı yeni sanksiyaların səbəbi oldu.