Gürcüstanın İqtisadiyyat Nazirinin sözlərinə görə, Tbilisi Orta Dəhliz layihəsində iştirak edən ölkələrlə, o cümlədən Azərbaycanla sıx əməkdaşlıq edir.
Gürcüstanın İqtisadiyyat Nazirliyinin rəhbəri Mariam Kvrivişvili bildirib ki, Orta Dəhlizin inkişafı və onun rəqabət qabiliyyətinin artırılması yolları Gürcüstan tərəfindən Azərbaycan, Qazaxıstan, Çin və layihənin digər üzv ölkələri ilə birlikdə fəal şəkildə müzakirə olunur.

Nazir qeyd edib ki, Gürcüstanın Orta Dəhlizdəki rolunun gücləndirilməsi Tbilisi üçün çox vacibdir.

Kvrivişvili əlavə edib ki, Gürcüstan hökumətinin prioritetləri arasında Asiya və Avropa arasında tranzit-logistika mərkəzi kimi funksiyalarının aktivləşdirilməsi də var.

İqtisadi şöbənin rəhbəri aydınlaşdırıb ki, Gürcüstan hökuməti dəmir yollarının yenilənməsi üçün böyük vəsait ayırıb. Nəticədə yük dövriyyəsinin həcmi ikiqat artdı, dəmir yolu nəqliyyatının hərəkətliliyi artdı və mallar daha sürətli çatdırılmağa başladı.