Almaniyanın baş naziri Angela Merkel Heydelberq şəhərində seçkilərə aid mitinq keçirib

Mitinqdə naməlum şəxslər tərəfindən kansler pomidor hücumuna məruz qalıb.

Merkel çıxış edərkən kütlənin içindən ona iki pomidor atıblar. Pomidorlardan biri Merkelin sağ ayağına, digəri isə mitinqin aparıcısına dəyib. Hücum nəticəsində səhnədəkilərin paltarı çirklənib.

İnsidentə rəğmən Merkel gülümsəyərək çıxışına davam edib. Polis pomidor atan şəxsi tuta bilməyib. Polisin açıqlamasına əsasən pomidorlar iki şəxs tərəfindən atılıb.