Latviya Xarici İşlər Nazirliyi (XİN) ölkənin şərqində keçən həftə aşkar edilmiş Rusiya pilotsuz təyyarəsi ilə əlaqədar bu ölkənin müvəqqəti işlər vəkilini çağırıb.

Azadmedia.az xəbər verir ki, bu barədə Latviya XİN-in məlumatında deyilir.

Belə ki, "Rusiyanın müvəqqəti işlər vəkilindən PUA-nın qanunsuz olaraq Latviyanın hava məkanını pozduğu barədə tam izahat verməsi xahiş edilib", - deyə məlumatda qeyd olunur.

Həmçinin diplomata Rezekne rayonunda "Şahed" tipli hərbi təyinatlı pilotsuz uçuş aparatının aşkar edilməsi ilə əlaqədar qəti etiraz bildirilib.

Qeyd edək ki, Latviya hakimiyyəti hadisənin təfərrüatları ilə bağlı dərin araşdırma aparmağa davam edir. Latviya diplomatik kanallarla müttəfiqlərini, NATO və Aİ rəhbərliyini məlumatlandırıb.