Estoniya Müdafiə Nazirliyi regionda xidmət edən müttəfiqlərinin fəaliyyətini genişləndirmək üçün Rusiya sərhədi yaxınlığında hərbi mərkəz açdığını açıqlayıb.

Azadmedia.az xəbər verir ki, bu barədə xarici KİV-lər məlumat yayıb.

Belə ki, Estoniyanın cənub-şərqində yerləşən “Camp Reedo” hərbi bazası Müdafiə Qüvvələrinin 2-ci Piyada Briqadası tərəfindən idarə olunacaq.

Həmçinin təxminən 1000 personalın çalışdığı obyektə texniki xidmət stansiyaları, anbar, təlim sahələri və yaşayış bölmələri daxildir.

Qeyd edək ki, Estoniya Hərbi İnvestisiya Agentliyinin məlumatına görə, “Camp Reedo” və onunla əlaqəli obyektlərin inşası 23,4 milyon dollara başa gəlib.