Neft bazarında qiymətlərin aşağı düşməsi bazar ertəsi sürətlənib.

Neft qiymətləri 2 %-dən çox aşağı düşüb.

Bakı vaxtı ilə saat 14:50-yə olan məlumata əsasən, Londonun “ICE Futures” birjasında “Brent” markalı neftin iyun fyuçerslərinin qiyməti 1 barel üçün 66,34 ABŞ dolları təşkil edib. Bu, əvvəlki ticarətin bağlanışından 1,62 ABŞ dolları (2,38 %) azdır.

Nyu-York Əmtəə Birjasında (NYMEX) isə WTI markalı neftin iyun fyuçerslərinin qiyməti bu vaxta qədər 1,59 ABŞ dolları (2,48 %) azalaraq 1 barel üçün 62,42 ABŞ dolları təşkil edib.

Ticarət müharibəsi nəticəsində dünya iqtisadiyyatının vəziyyətinin potensial pisləşməsi ilə bağlı treyderlər arasında narahatlıq bazara təzyiq göstərməyə davam edir.