Son iki il ərzində Qərbi Azərbaycan istiqamətində iki mühüm kartoqrafik layihə üzərində iş aparılıb.

AZƏRTAC xəbər verir ki, bu barədə “Azərbaycan Kartoqrafları” İctimai Birliyinin sədri Müqabil Bayramov “Qərbi Azərbaycana qayıdış” mövzusunda keçirilən ictimai müzakirədə məlumat verib.

O qeyd edib: “Yaxın günlərdə Azərbaycan və ingilis dillərində hazırladığımız ‘Zəngəzur dəhlizi’ xəritəsinə böyük maraq yaranıb. Bu xəritə hətta Ermənistan mediasında da paylaşılıb. Əsərlərdə milli toponimlərimiz öz əksini tapıb və bu, tarixi həqiqətlərin danılmaz sübutudur.”