Türkiyəli məşhur ifaçı Mahsun Kırmızıgül Azərbaycan - Ermənistan sərhədində Tovuz istiqamətində baş verən döyüşlər zamanı şəhid olmuş Azərbaycan general-mayoru Polad Həşimovla bağlı paylaşım edib.

AzadMedia.az xəbər verir ki, türkiyəli sənətçi “Instagram” hesabının hekayə bölümündə şəhid generalımızın fotosunu paylaşaraq, ürək sözlərini yazıb.

“Uğurlarına görə ona verilən evi şəhid ailəsinə hədiyyə edən, maşınını nazirliyə bağışlayıb işinə metro ilə gedən, dürüst insan, general Polad Həşimov şəhid olub. Azərbaycan şəhidlərinə Allahdan rəhmət diləyirəm”, - deyə M.Kırmızıgül yazıb.