Turinin “Yuventus” futbol klubunun hücumçusu Kriştianu Ronaldu daha bir rekorda imza atıb.

Bu barədə “Opta” məlumat yayıb.

K.Ronaldu İtaliya çempionatının 34-cü turunda A Seriyasındakı 50 və 51-ci qollarını vurub. Bununla da o, İtaliya çempionatında 50 qol limitini ən tez keçən futbolçu kimi tarixə düşüb. Bunun üçün K.Ronalduya cəmi 61 oyun kifayət edib.

Portuqaliyalı bu göstərici ilə “Milan”ın əfsanəsi futbolçusu Andrey Şevçenkoya məxsus rekordu yeniləyib. A.Şevçenko 50 qol limitinə 69 qarşılaşmada çatmışdı.