Çeçenistan lideri Ramzan Kadırov ABŞ Dövlət katibi Mayk Pompeonu Çeçenistana dəvət edib.

Axar.az xəbər verir ki, Kadırovun bununla bağlı videomüraciəti “Qroznı” televiziyasında yayımlanıb.

“Məni daha bir sanksiyalar siyahısına daxil ediblər. Belə çıxır ki, ABŞ-da bu siyahıların sayı həddən artıq çoxdur. Mən özümün doğma kəndim Benoya gəlmişəm. Pompeo, sən də gəl. Bura çox gözəldir, baxarıq görək kim, hansı haqları pozur”, - deyə o bildirib.

Qeyd edək ki, ABŞ Dövlət Departamenti bazar ertəsi Kadırovu həyat yoldaşı və qızlarıyla birgə insan haqlarını pozduğu üçün qara siyahıya daxil edib.