AzadMedia
Telegram Facebook Twitter Youtube Instagram

ÜST koronavirusa qarşı populyar dərmanı effektsiz saydı

  • + A
  • - A
  • 16-10-2020, 17:00


    Ümumdünya Səhiyyə Təşkilatının (ÜST) mütəxəssisləri hazırda COVİD-19-un müalicəsində istifadə olunan dərmanları araşdırıblar. Onların qənaətinə görə, “Remdesevir”, “Hidroksixloroxin”, “Lopinavir” və “Interferon”un praktiki olaraq heç bir xeyri yoxdur.

    Bu barədə təşkilatın apardığı araşdırmaya istinadən “Financial Times” məlumat yayıb.

    Sözügedən dərmanlar ÜST “Həmrəylik” beynəlxalq çox mərkəzli randomizə olunmuş klinik sınaqların bir hissəsi olaraq test edilib. ÜST-ə görə bu dərmanların heç biri COVİD-19-dan ölümü və ya ağciyərlərin süni tənəffüs cihazına qoşulma riskini azaltmır.

    Tədqiqat 11 mindən çox xəstənin müalicəsindən alınan materiallar üzərində aparılıb.

    Həkimlər hələ ki, bu araşdırmanı qiymətləndirməyiblər.

    Xatırladaq ki, oktyabrın əvvəlində koronavirusa yoluxan ABŞ Prezidenti Donald Tramp “Remdesivir” qəbul edib. İyul ayında ÜST-ün Baş elmi əməkdaşı Sumiya Svaminatan adıçəkilən preparatı koronavirus üçün yeganə ümidverici dərman adlandırıb.

    ABŞ, Yaponiya, Koreya Respublikası, Hindistan, İsrail, Böyük Britaniya da daxil olmaqla bir çox ölkədə “Remdesivir”in koronavirus xəstələrinin müalicəsində istifadəsi rəsmi olaraq təsdiqlənib. Başlanğıcda vasitə “Hepatit C” və digər xəstəliklərin müalicəsi üçün hazırlanıb.


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR