Çerniqov meri Vladislav Atroşenko silahı olan vətəndaşlara müraciət edərək şəhəri qorumağa çağırıb.

Belə ki, o, şəhəri heç kimə təslim etməyəcəklərini bildirib.

“Bu gün şəhərin müdafiəsini təşkil etmək üçün edilə biləcək hər şeyi edirik. Biz şəhəri heç kimə təslim etməyəcəyik. Bizə hekayə danışırlar - hekayəni göstərəcəyik. Əgər kimsə azıb Rusiyaya çıxış yolu axtarsa, onun harada olduğunu sizə deyəcəyik”, - mer qeyd edib.

Atroşenko Çerniqovun bütün mülki əhalisini sığınacaqlarda olmağa çağırıb.

Qeyd edək ki, Rusiya ordusu bir neçə dəfə Çerniqov şəhərini ələ keçirməyə cəhd göstərsə də, uğursuzluğa düçar olub.
Axar.az