AzadMedia
Telegram Facebook Twitter Youtube Instagram

Britaniyanın BP şirkəti Azərbaycanda rekord qaz hasilatını gözləyir

  • + A
  • - A
  • 26-01-2023, 21:48

    Britaniyanın BP şirkəti Azərbaycanda rekord qaz hasilatını gözləyir


    Ötən il Azərbaycanın “Şahdəniz” yatağında qaz hasilatı nəzərdə tutulduğundan çox olub və hazırda ilin sonunadək yeni rekord səviyyəyə çatmaq üçün işlər aparılır.

    Bu barədə BP-nin (Britaniya şirkəti, layihə operatoru) Xəzər və Yaxın Şərq regionunda kommunikasiyalar və xarici əlaqələr üzrə vitse-prezidenti Bəxtiyar Aslanbəyli bildirib.

    Onun sözlərinə görə, əməliyyatlar optimallaşdırılır ki, bu da yaranan problemləri mümkün qədər tez həll etməyə imkan verəcək, həmçinin daha dərin horizontların qaz ehtiyatlarının potensialını qiymətləndirmək üçün kəşfiyyat quyusunun qazılması üzrə işlərə başlanılıb.

    Əgər fərziyyələr təsdiqlənərsə, o zaman BP hasilatı daha da artırmağa hazır olacaq. Qaz tədarükünü maksimum dərəcədə şaxələndirməyə və Rusiyadan asılılıqdan qurtulmağa çalışan Avropanın qaz bazarında baş verən dəyişiklikləri nəzərə alaraq yeni ehtiyatların kəşfiyyatının aktuallığı artır.

    2022-ci ildə “Şahdəniz” yatağından qaz hasilatı 25,2 milyard kubmetr təşkil edib ki, bu da bir il əvvəlkindən 11,5 faiz çoxdur. Bunun 20,8 milyard kubmetri ixrac edilib ki, bu da 18,1 faiz çoxdur.

    2027-ci ilə qədər Azərbaycan Avropaya qaz tədarükünü iki dəfə artırmağa hazırdır. Macarıstan, Rumıniya, Bolqarıstan və Slovakiya Avropa Komissiyasından müvafiq infrastrukturun qurulmasına köməklik göstərməyi xahiş ediblər.


    www.AzadMedia.az

    Mətndə səhv var? Onu siçanla seçin və Ctrl+Enter düyməsini basın.
    OXŞAR XƏBƏRLƏR

    Köşə
    XƏBƏR LENTİ
    BÜTÜN XƏBƏRLƏR