Xəbər verdiyimiz kimi dünən İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti Ümummilli Lider Heydər Əliyevin anadan olmasının 100 illiyinə həsr olunmuş “Heydər Əliyevin rəqabətədavamlı iqtisadiyyatın formalaşdırılmasında rolu” mövzusunda elmi konfrans keçirib. Tədbirdə "Trendyol" barədə səsləndirilən fikirlər vətəndaşlar tərəfindən ciddi narazılığa səbəb olub, onlar Trendyol vasitəsilə istənilən məhsulu daha ucuz və keyfiyyətli əldə etdiklərini yazıb. Azadmedia.az mövzu ilə bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə rəsmi mürüciət etsə də, hələ cavab almayıb.
Mövzu ilə bağlı iqtisadiyyat üzrə tanınmış jurnalist Vasif Cavadovun fikirlərini öyrəndik. Vasif bəyin ehtimalına görə fiziki şəxslərin mal idxalına tətbiq edilən güzəşt limiti azaldılacaq. Məqsəd budur. Hazırda limit 300 dollardır, onu 200 və ya 100 dollara qədər azalda bilərlər. Yaxud, fiziki şəxslərdən də gömrük rüsumu, hətta ƏDV də ala bilərlər.
Mövzuya qayıdacağıq.