Dünya Bankı Türkiyənin Kahramanmaraş şəhərində baş verən zəlzələlərin 34 milyard dollardan çox maddi ziyana səbəb olduğunu açıqlayıb.

Fəlakətin qiymətləndirilməsi hesabatında o da qeyd olunub ki, zamanla artacaq təkanlar və zərər təxminləri arta bilər.

Dünya Bankı fevralın 6-da Kahramanmaraş mərkəzli zəlzələlərin Türkiyə iqtisadiyyatına təsirini qiymətləndirib.

Sürətli zərər qiymətləndirmə hesabatına görə, zəlzələlər 34 milyard 200 milyon dollar fiziki ziyana səbəb olub.

Hesabatda zəlzələlərin vurduğu zərərin dəyəri açıqlanıb, bu, 2021-ci ildə Türkiyənin ÜDM-nin 4%-nə uyğundur.

Bu zərərin afterşoklarla daha da arta biləcəyi bildirilib.

Zərərin qiymətləndirilməsinə bərpa və yenidənqurma xərcləri daxil deyil

Hesabata görə, təxmini zərərin yüzdə 81-i təxminən 6 milyon 450 min insanın yaşadığı Hatay, Kahramanmaraş, Qaziantep, Malatya və Adıyamanda meydana gəlib.

Zərərlərin 18 milyard dolları yaşayış evlərində, 9 milyard 700 milyon dolları isə digər binalarda baş verib.

İnfrastruktur obyektlərinə də 6 milyard 400 milyon dollar ziyan dəyib.

Hesabatdakı zərərin təxmininə bərpa və yenidənqurma xərcləri daxil deyil.

Qeyd edək ki, Dünya Bankı yardım və bərpa səylərinə kömək etmək üçün fevralın 9-da 1 milyard 780 milyon dollarlıq ilkin yardım paketini elan açıqlamışdı.

Ülkər Piriyeva