Hazırkı prezident Rəcəb Tayyib Ərdoğan bildirib ki, ilkin məlumatlara görə, Türkiyədə keçirilən ümumi seçkilərdə liderdir. Azadmedia.az xəbər verir ki, siyasətçi həmçinin müxalifəti öz namizədinin prezident seçkilərində liderlik etməsi iddiaları ilə insanları aldatmağa çalışmaqda ittiham edib.

Dövlət başçısı əlavə edib ki, prezident seçkilərində səslərin hesablanması üçün Ali Seçki Komissiyasına “bir az daha vaxt lazımdır”.

Bir müddət əvvəl Türkiyə prezidentliyinə yeddi müxalifət partiyasından namizəd Kamal Kılıçdaroğlu müxalifətin seçkinin nəticələrinin dərcindən narazılığı fonunda tərəfdarlarını yatmamağa və seçki məntəqələrini tərk etməməyə çağırıb.

Birinci tur prezidentlik yarışının qalibini müəyyən etməsə, ikinci tur mayın 28-də keçiriləcək.

Bundan əvvəl ANKA xəbər vermişdi ki, Türkiyədə keçirilən prezident seçkilərində hazırkı dövlət başçısı Tayyib Ərdoğanla müxalifətin namizədi Kamal Kılıçdaroğlu arasında fərq 2%-dən bir qədər çox azalıb.