Azərbaycan Dövlət Neft Şirkətinin (SOCAR) prezidenti Rövşən Nəcəf Gürcüstanın iqtisadiyyat və davamlı inkişaf nazirinin birinci müavini Romeo Mikautadze ilə görüşüb, tərəflər iki ölkə arasında bütün sahələrdə, o cümlədən enerji sektorunda əməkdaşlıq məsələlərini müzakirə ediblər.

Görüşdə ölkələrin birgə iştirakı ilə həyata keçirilən Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizi strateji layihələrinin Avropanın enerji təhlükəsizliyinə mühüm töhfə verdiyi və enerji təhlükəsizliyini gücləndirdiyi vurğulandı.
Bildirilib ki, “Azərbaycan, Gürcüstan, Rumıniya və Macarıstan hökumətləri arasında “yaşıl” enerjinin inkişafı və ötürülməsi sahəsində Strateji Tərəfdaşlıq haqqında Saziş” əməkdaşlıq üçün yeni imkanlar açır.