ABŞ 2024-cü ildə ölkədə terror təhlükəsinin yüksək səviyyədə qalacağı və xaricdə fəaliyyət göstərən radikal qrupların öz əvvəlki təsirlərini bərpa etməyə çalışacağını proqnozlaşdırır.

Azadmedia.az xəbər verir ki, bu barədə ABŞ Daxili Təhlükəsizlik Departamentinin məlumatında deyilir.

Belə ki, “Departament ABŞ-da radikallaşmış şəxslərdən zorakılıq təhlükəsinin yüksək səviyyədə qalacağını, lakin əsaslı şəkildə dəyişməyəcəyini, ilk növbədə tək cinayətkarların və ya kiçik qrupların hücumları şəklində özünü göstərəcəyini gözləyir”, - deyə bildirilir.

Qeyd edək ki, həmin məlumata görə, ABŞ-ın antiterror səyləri öz nəticəsini versə də, Vaşinqton Əl-Qaidə və İŞİD kimi beynəlxalq terror qruplarının əvvəlki nüfuzlarını bərpa etməyə və xaricdən hücumlar təşkil etməyə cəhd göstərəcəyini ehtimal edir.