Azərbaycan Qarabağın erməni sakinləri üçün daha 32 ton benzin göndərib. Azadmedia.az xəbər verir ki, bu barədə Azərbaycan Respublikası Prezidentinin Administrasiyası məlumat yayıb.

Qeyd olunur ki, Azərbaycan Respublikasının Qarabağ bölgəsində sosial, humanitar, iqtisadi və infrastruktur məsələlərinin həlli və orada yaşayan erməni sakinlərin tələbatının ödənilməsi istiqamətində təxirəsalınmaz tədbirlər həyata keçirilir. Sentyabrın 27-də uşaq bağçaları, təcili tibbi yardım və yanğınsöndürmə xidmətlərinin yanacaq-sürtkü materialları ilə təmin olunması üçün Ağdam-Əsgəran-Xankəndi yolu ilə 32 ton benzinlə daha bir avtomobil yola salınıb.