İnanırıq ki, İsraildə asayiş bərpa olunacaq və terrorçular məhv ediləcək. Dünyanın heç bir yerində terror olmamalıdır. Azadmedia.az xəbər verir ki, bu sözləri Ukrayna Prezidenti Vladimir Zelenski Teleqram kanalında İsraildəki vəziyyətlə bağlı yazıb.
Belə ki, “İsraildən dəhşətli mesajlar alırıq. Terror aktında ailəsi və yaxınları həlak olan hər kəsə başsağlığı verirəm.
Həmçinin terroru kimin törətməsindən asılı olmayaraq, bu, sülhə qarşı cinayətdir. İsrailin özünümüdafiə hüququ şübhə altına alına bilməz”, - deyə Zelenski bildirib.

Qeyd edək ki, HƏMAS-ın İsrailə qarşı genişmiqyaslı hücumları nəticəsində 250-dən çox yerli sakin ölüb, 1452 nəfər xəsarət alıb.