Norveç Ümumdünya Ərzaq Proqramına, o cümlədən Ukraynadan gələn Taxıl humanitar ərzaq proqramına 200 milyon kron (17 milyon avro) ayırdığını elan etdi.
Azadmedia.az xəbər verir ki, bu barədə Norveç hökumətinin mətbuat xidməti məlumat yayıb. Belə ki, 50 milyon Norveç kronu (4,2 milyon avro) Dünya Bankının Ukrayna Fonduna köçürüləcək.

“Norveç Ukrayna xalqını dəstəkləməyə davam edəcək. Eyni zamanda, biz dünyada baş verən digər böhranları da nəzərdən qaçırmırıq. Nansen proqramı bizim bu səyləri necə birləşdirə bildiyimizin bir nümunəsidir”, - deyə Norveçin xarici işlər naziri Espen Bart Eide bildirib.