Əlverişsiz hava şəraiti ilə əlaqədar Hərbi Gürcüstan Yolu ilə ağır avtomobillərin hərəkəti müvəqqəti olaraq dayandırılıb. Azadmedia.az xəbər verir ki, bu barədə Rusiya Fövqəladə Hallar Nazirliyinin Şimali Osetiya üzrə idarəsindən məlumat verilib.

Belə ki, “Gürcüstan ərazisində hava şəraitinin pisləşməsi və avtonəqliyyat vasitələrinin təhlükəsiz keçidinin təmin edilməsinin mümkünsüzlüyü ilə əlaqədar, həmçinin Gürcüstan sərhəd polisinin tövsiyələri nəzərə alınaraq, Vladiqafqaz şəhəri ilə Lars yaşayış məntəqəsi arasındakı hissədə iritutumlu avtomobillərin hərəkəti 6 dekabr 2023-cü il saat 02:20-dən sonrakı bildirişə qədər qadağan edilib”, - deyə məlumatda qeyd olunub.