"İraq və Suriyanın şimalında həyata keçirilən hava əməliyyatında 2 gündə 12 əsgərimiz şəhid olduqdan sonra PKK terror təşkilatına aid 29 hədəf məhv edilib, çoxlu sayda terrorçu zərərsizləşdirilib".

Bunu Türkiyənin milli müdafiə naziri Yaşar Gülər ​​ ​​Müdafiə Nazirliyinin Əməliyyat Qərargahında bildirib.

"Qəhrəman oğullarımız vətənimizin müqəddəs müdafiəçiləri kimi müstəsna şücaət və fədakarlıqla öz vəzifələrini yerinə yetirərkən şəhidlik zirvəsinə çatıblar. Allahdan onlara rəhmət diləyirəm. Şəhid silahdaşlarımıza, yaralılarımıza tezliklə şəfalar diləyir, ailələrinə və ulu millətimizə başsağlığı verirəm”, - deyə Gülər qeyd edib.