Gənclər və İdman Nazirliyi 2023-cü ilin idman yekunlarına həsr olunmuş tədbir keçirib.


Bakı, 26 dekabr — Azadmedia.az

Gənclər və İdman Nazirliyi 2023-cü ilin idman yekunlarına həsr olunmuş tədbir keçirib.
Azadmedia.az-ın məlumatına görə, "Buta Palas"da təşkil olunan mərasimdə Gənclər və idman naziri Fərid Qayıbov, Azərbaycan Karate Federasiyaları Assosiasiyasının prezidenti, deputat Ülvi Quliyev, digər idman təşkilatlarının, federasiyaların, media qurumlarının rəhbərləri, idmançılar və idman ictimaiyyətinin nümayəndələri iştirak ediblər.

Belə ki, Gənclər və idman naziri Fərid Qayıbov 2023-cü ilin Azərbaycan idmanı üçün uğurlu keçdiyini bildirib, bu münasibətlə, idman ictimaiyyətini təbrik edib. İştirakçıları qarşıdan gələn Yeni il və 31 dekabr Dünya Azərbaycanlılarının Həmrəyliyi Günü münasibətilə təbrik edən nazir 2024-cü ilin ölkə idmanı üçün daha da uğurlu olacağını vurğulayıb.

Qeyd edək ki, sonda müxtəlif nominasiyalar üzrə ilin qaliblərinin mükafatlandırılması start götürüb.