Koreya Respublikası 2024-cü ildə silah ixracı üçün hədəfini 20 milyard ABŞ dolları səviyyəsində müəyyənləşdirib.

Azadmedia.az xəbər verir ki, bu barədə Koreya Respublikasının Ticarət, Sənaye və Energetika Nazirliyi məlumat yayıb.

Belə ki, “Dünyanın aparıcı ölkələrinin müdafiə xərclərini artırması ilə əlaqədar olaraq, silah bazarının 2027-ci ilə qədər 900 trilyon vona (təxminən 654 milyard ABŞ dolları) çatacağı proqnozlaşdırılır. Buna görə hökumət bu il 20 milyard dollarlıq ixrac həcminə çatmaq üçün hərtərəfli yardım göstərməyi planlaşdırır”, - deyə məlumatda bildirilib.