Ukrayna Təhlükəsizlik Xidmətinin əməkdaşları Kiyevin mərkəzində əks-kəşfiyyat əməliyyatları keçirir.

Azadmedia.az xəbər verir ki, bu barədə qurumdan məlumat verilib.

Belə ki, əks-kəşfiyyat tədbirləri Şevçenko rayonu, Sofiya və Mixaylovskaya meydanları və ətraf ərazilərdə aparılır.

Həmçinin əməliyyatlar Ukrayna Milli Polisi, Ukrayna Silahlı Qüvvələrinin Hərbi Hüquq-mühafizə Xidməti və digər güc strukturları ilə birgə keçirilir.

Qeyd edək ki, Ukrayna Təhlükəsizlik Xidməti bir sıra keçid və küçələrdə məhdudiyyətlərin olacağı ilə bağlı xəbərdarlıq edib.