Azərbaycan Dövlət Neft Şirkətinin (SOCAR) Heydər Əliyev adına Bakı Neft Emalı Zavodu (BNEZ) bu ay Avro-5 ekoloji standartlarına uyğun avtomobil benzininin istehsalına başlamağı planlaşdırır.

Azadmedia.az xəbər verir ki, bu barədə SOCAR-dan məlumat verilib.

Belə ki, “Zavod 2023-cü ilin may ayında Avro-5 standartlarına uyğun dizel yanacağı istehsalına başlayıb, 2024-cü ilin iyununda BNEZ Avro-5 standartlarına uyğun avtomobil benzini istehsalına başlamağı planlaşdırır”, - deyə şirkət qeyd edib.

Həmçinin SOCAR-ın məlumatına görə, bu il yenidənqurma və təkmilləşdirmə çərçivəsində BNEZ-də izomerləşdirmə və MTBE qurğusu istifadəyə verilib.

Qeyd olunub ki, son 70 ildə zavod 370 milyon ton neft emal edib.