Yay Olimpiya Oyunları çərşənbə günü Argentina-Mərakeş və Özbəkistan-İspaniya matçları ilə açılan kişilər arasında futbol turniri ilə başlayıb, RBC xəbər verir.

Oyunlar müvafiq olaraq Sent-Etyen və Parisdə keçirilir.

Turnirdə yaşı 23-dən aşağı olan futbolçular iştirak edir. Eyni zamanda, bu yaşdan yuxarı 3 futbolçu komandaya cəlb oluna bilər və olimpiadadan əvvəl Lionel Messi və Kilian Mbappe kimi ulduzların yarışda iştirakı mümkünlüyü müzakirə olunub.

Turnirdə ümumilikdə 16 komanda mübarizə aparacaq.

Çərşənbə günü kişilər arasında Olimpiya reqbi yeddiliyi yarışı da start götürüb.

Olimpiadanın açılış mərasimi cümə günü, iyulun 26-da baş tutacaq. Və ilk mükafat dəsti iyulun 27-də oynanılacaq.

Azərbaycan Oyunlarda 15 idman növü üzrə 17 proqramda 48 idmançı ilə təmsil olunacaq. Yarışda Azərbaycan milli komandasının bayraqdarları cüdoçu Gültac Məmmədəliyeva və boksçu Məhəmməd Abdullayev olacaq.

Oyunlar avqustun 11-də başa çatacaq.