Bakıda Lionel Messinin iştirakı ilə tədbir baş tutub. Futbolçu qonaqpərvərliyə görə minnətdarlığını bildirib. Görüş Morandi qrupunun çıxışı ilə başa çatıb.
“Baku Crystal Hall”da dünya futbol ulduzu Lionel Messinin iştirakı ilə möhtəşəm şənlik keçirilib. Onun komanda yoldaşları - Luis Suares, Serxio Buskets və Xordi Alba da iştirak edib.

Tədbiri Azərbaycanın xalq artisti Murad Dadaşov aparıb. Orada ölkənin xalq artisti Natiq Şirinovun və rəqs komandasının rəhbərliyi ilə “Natiq” kompozisiyası təqdim olunub.

Sonra məşhur bəstəkar Villi Uilyamın məşhur futbolçular üçün konsert proqramı təqdim olunub. Sonra Messinin özü haqqında film nümayiş etdirilib. Qeyd edək ki, zal argentinalının adını səhnəyə çıxmazdan əvvəl də səsləndirib.

Bundan sonra dünya ulduzları səhnəyə çıxaraq tamaşaçıları gur alqışlarla qarşılayıblar. Messi səmimi qəbula və qonaqpərvərliyə görə Azərbaycana təşəkkürünü bildirib, mədəniyyət və insanlarla yaxından tanış olmağı bacardığını qeyd edib.

İdmançılar sağlamlıq imkanları məhdud uşaqlar, uşaq evlərinin uşaqları və şəhid ailələri, eləcə də gənc azərbaycanlı futbolçularla birgə xatirə şəkilləri çəkdiriblər.

Tədbirdən əvvəl Messi, Suares, Alba və Buskets zala avtoqraflı futbol topları atmağa başlayıblar. Gecə Morandi qrupunun çıxışı ilə başa çatıb.

Onu da əlavə edək ki, məşhur futbolçuların səfəri başa çatıb.