Azərbaycan idmançısı Nihad Məmmədli yunan-Roma güləşi üzrə Avropa çempionu olub. Bundan əvvəl Azərbaycan komandası Buxarestdə keçirilən Avropa çempionatında artıq üç medal qazanmışdı.
60 kq çəki dərəcəsində mübarizə aparan Azərbaycan güləşçisi Nihad Məmmədli Buxarestdə (Rumıniyanın paytaxtı) keçirilən Avropa çempionatının qalibi olub.

Yunan-Roma güləşi üzrə Azərbaycan yığmasının təmsilçisi final görüşündə Moldova güləşçisi Viktor Çiobanunu məğlub edərək ən yüksək mükafata sahib çıxıb.

Bundan əvvəl Buxarestdə iki Azərbaycan güləşçisi - Murad Məmmədov (63 kq) və Rəşad Məmmədov (55 kq) gümüş medal qazanıb. Digər mükafatı, bürünc medalı isə Beka Kandelaki (130 kq) qazanıb.

Avropa çempionatı fevralın 18-dək davam edəcək. Azərbaycandan 25 güləşçi mübarizə aparacaq.