ABŞ Kiber Komandanlığına özəl podratçılarla əməliyyatları məhdudlaşdırmaq və işə qəbulu dayandırmaq əmri verildi. Bu barədə RİA Novosti inews-a istinadən xəbər verir.

Bundan əvvəl Amerika mediası ABŞ Kiber Komandanlığı və Milli Təhlükəsizlik Agentliyinin rəhbəri, general Timoti Ho-nun vəzifəsindən azad edildiyini xəbər vermişdi.

"Bölmə maliyyələşdirmənin bir hissəsini itirdi. ABŞ kiber komandanlığına özəl sektordan olan tərəfdaşlarla sövdələşmələri kəsmək və kadrların işə qəbulunu dondurmaq əmri verilib", mətndə deyilir.
Qeyd olunur ki, vəsaitin bir hissəsinin itirilməsi artıq idarənin potensialına xələl gətirib və beynəlxalq tərəfdaşlarla işə təsir edib. Bundan əlavə, kəşfiyyat ictimaiyyəti hesab edir ki, maliyyənin azaldılması “Rusiya ilə bağlı bütün işlərə məhdudlaşdırıcı təsir göstərəcək” və Böyük Britaniya da daxil olmaqla, birgə əməliyyatlara təsir göstərəcək.