Dövlət Departamenti M777 təmir avadanlığının və xidmətlərinin Ukraynaya 104 milyon dollara satışını təsdiqləyib

ABŞ Dövlət Departamenti Ukraynaya təxminən 104 milyon dollar dəyərində M777 haubitsalarının satışını təsdiqləyib. Bu barədə Reuters agentliyi Pentaqona istinadən məlumat yayıb.

Bundan əlavə, Dövlət Departamenti Ukraynaya nəqletmə və konsolidasiya xidmətlərinin mümkün satışını təsdiqləyib. Pengaton-a görə, əməliyyat məbləği təxminən 99,5 milyon dollar ola bilər.

“Təklif olunan tədarüklər ABŞ-ın xarici siyasətinin məqsədlərinə və milli təhlükəsizlik maraqlarına dəstək verəcək, Ukraynanın özünümüdafiə qabiliyyətini artıracaq və sabitliyi təmin etmək üçün regional missiyalar həyata keçirəcək”, - Pentaqon bildirib.

İyulun 24-də ABŞ Ukrayna üçün Hava Hücumundan Müdafiə Qüvvələrinin avadanlığının və texniki xidmət sistemlərinin tədarükünə dair 180 milyon dollar məbləğində müqaviləni təsdiqləyib. Paketə ehtiyat hissələri, avadanlıqların modernləşdirilməsi, kadr hazırlığı və maddi-texniki dəstək daxildir. Çatdırılmalar əvvəllər bağlanmış müqavilələrin icrası çərçivəsində həyata keçirilir.

Həmin gün Amerika prezidenti Donald Tramp deyib ki, Avropa ABŞ-a üç il əvvəl Ukraynaya tədarük edilən silahların tam dəyərini ödəməyə başlamalıdır. Ağ Evin rəhbəri qeyd edib ki, ABŞ və Aİ arasında müqavilə bağlanıb və ona görə Avropa ölkələri bütün hərbi texnikanın dəyərinin 100%-ni ödəyəcək.