Apple, ABŞ-da artan lisenziya xərclərini əsas gətirərək ilk dəfə olaraq "Apple Music və TV+" xidmətlərinin qiymətlərini artırıb.

Azadmedia.az Bloomberg HT-nə istinadən xəbər verir ki, şirkət həmçinin “Apple One” paketlərini artırdıqlarını bildirib.
Şirkət Apple Music-in aylıq qiymətini 9,99 dollardan 10,99 dollara qaldıraraq onu Spotify Technology və Amazon xidmətlərindən bahalaşdırıb.
“Apple TV+”nın qiymətini 4,99 dollardan 6,99 dollara yüksəldən şirkət rəqibləri Netflix və Warner Bros-dan daha aşağı qiymətə xidmətlər təklif etməyə davam edəcək.

Şirkət həmçinin “Apple One” paketini 2 dollar artıraraq 16,95 dollara çatdırdığını açıqlayıb.

Son illərdə Apple, şirkətin satışlarının demək olar ki, dörddə birini təşkil edən xidmətlərdən daha çox gəlir əldə etməyi hədəflədiyini açıqlayıb.
Tərcümə etdi: Elnurə Abuşova