İrandan 20-yə yaxın geyim brendi Rusiya bazarına daxil olmağa hazırlaşır. Azadmedia.az xəbər verir ki, bu barədə “İzvestiya” qəzeti məlumat yayıb.

Nəşrin məlumatına görə, təchizatçılar artıq Sənaye və Ticarət Nazirliyi və ticarət mərkəzlərinin rəhbərləri ilə danışıqlar aparıblar. Qeyd olunur ki, istehsalçılardan biri 15 milyon dollarlıq müqavilə imzalayıb.

İran brendləri arasında Abbas və Rəsul, Hassan, Romina, Kiana, Samira, Jila, Alireza kimi brendlər var.

Öz növbəsində, sənaye və ticarət nazirinin müavini Viktor Yevtuxov bildirib ki, iranlılar Rusiyadakı kommersiya daşınmaz əmlakının sahibləri və potensial investorlarla əlaqələr qurmaqda maraqlıdırlar.

“İzvestiya”nın həmsöhbətləri etiraf edirlər ki, İran brendlərinə tələbat olacaq, lakin yerli istehsalçılar bazarda daha keyfiyyətli malla olduqları üçün onlarla rəqabət apara bilərlər.

Daha əvvəl bildirilmişdi ki, sanksiya ilə bağlı Rusiya bazarını tərk etdiklərini elan edən brendlərin yalnız 25%-i onu tərk edib və tamamilə bağlanıb.