Trabzon vilayətinin Ticarət və Sənaye Palatasının rəhbəri Erkut Çələbi bildirib ki, mayın 1-dən etibarən 9 illik fasilədən sonra Soçi-Trabzon marşrutu ilə Qara dəniz üzərindən bərələrin hərəkəti bərpa olunacaq. Azadmedia.az xəbər verir ki, bu barədə “Gazeta.ru” yazır.

“Bizim bu məsələ ilə bağlı apardığımız iş müsbət nəticə verdi və razılıq əldə etdik. Biz aprelin 6-da müqavilələr imzalayacağıq. Soçi ilə Trabzon arasında 300 nəfərlik bərə buraxacağıq”, - deyə Çelebi bildirib.

Onun sözlərinə görə, bərədə 200 avtomobil, 6 avtobus və 12 konteyner yerləşəcək.

Soçi ilə Trabzon arasında bərələr 1992-2014-cü illərdə fəaliyyət göstərib. Bərə həftədə bir dəfə işləyirdi. Səyahət vaxtı təxminən 12 saat idi. Həmçinin iki şəhər arasında “Kometa” tipli sürətli gəmi beş saata yaxın yol gedirdi.