Polşanın kənd təsərrüfatı naziri Telyus taxıl idxalı ilə bağlı Kiyevin mövqeyini tənqid edib
Polşanın Kənd Təsərrüfatı Nazirliyinin rəhbəri Robert Telyus Ukraynanın aqrar siyasət naziri Mikola Solskinin Ukrayna kənd təsərrüfatı məhsullarının idxalına qoyulan qadağanı aradan qaldırmaq çağırışından narazılığını bildirib. Onun sözlərini yerli RMF24 radiostansiyası sitat gətirir.

Telyusun sözlərinə görə, Kiyev Ukraynanın taxıl idxalı məsələsində Varşavanın mövqeyini başa düşmür.

“Bunun niyə baş verdiyini tam başa düşə bilmirəm. Güman edirəm ki, Ukraynada müəyyən qüvvələr var ki, bu cür hərəkətlərə qərar verirlər, mən onlarla razı deyiləm və ukraynalılara zərər verir”, - Telyus vurğulayıb.

Onun fikrincə, Ukrayna ilə Polşa arasında gərginlik yaratmaq guya Rusiyanın maraqlarına xidmət edir, ona görə də bu məsələyə ehtiyatla yanaşmaq lazımdır. Eyni zamanda, nazir əlavə edib ki, Solskinin açıqlamasına baxmayaraq, onunla görüşmək istəyir