Səudiyyə Ərəbistanının vəliəhd şahzadəsi və baş nazir Məhəmməd bin Salman neft hasilatını və Qərbə tədarükün azaldılması ilə bağlı tənqidlərə cavab olaraq ABŞ iqtisadiyyatını təhdid edib. Azadmedia.az xəbər verir ko, bu barədə The Washington Post yazır.

Söhbət ABŞ prezidenti Co Baydenin bəyanatlarından gedir. Məhəmməd bin Salman ABŞ-Səudiyyə münasibətlərini kökündən dəyişdirəcəyinə və ABŞ-ı əhəmiyyətli xərclər etməyə məcbur edəcəyinə söz verib. Səkkiz ay sonra Məhəmməd bin Salman neft hasilatını azaltmağa davam edib və ABŞ ona və krallığa heç bir məhdudiyyət qoymayıb. Bundan əlavə, Amerikanın yüksək rütbəli rəsmiləri ölkələr arasında münasibətlərin yaxşı olduğunu müntəzəm olaraq bəyan edirlər.

Baydenin Səudiyyə Ərəbistanı ilə münasibətlərə yenidən baxmaq zərurəti ilə bağlı sözləri OPEC+ 2022-ci ilin payızında enerji qiymətlərini artırmaq üçün neft hasilatını azaltmaq qərarına gəldikdən sonra səsləndirilib.

Bundan əvvəl dövlət katibi Entoni Blinken və Səudiyyə Ərəbistanının vəliəhd şahzadəsi Məhəmməd bin Salman Əl Səud Səudiyyə Ərəbistanının Ciddə şəhərində iki ölkə arasında iqtisadi əməkdaşlığın dərinləşdirilməsini müzakirə ediblər.