Bloomberg: Google Pixel smartfonlarının bir hissəsini Çindən Hindistana köçürmək istəyir

Google, bəzi Pixel smartfonlarını Çindən kənarda yığmaq üçün Hindistanda tərəfdaşlar axtarır. Azadmedia.az xəbər verir lo, bu barədə Bloomberg məlumat yayıb.

Google hazırda Lava International və Dixon Technologies India kimi şirkətlərlə danışıqlar aparır. Foxconn-un Hindistan bölməsi də Google-un potensial tərəfdaşları siyahısına daxil edilib.

Bloomberg yazır ki, Hindistanda sövdələşmə olacağı təqdirdə, Google Çində istehsalını diversifikasiya edən sonuncu texnologiya nəhəngi olacaq. Əvvəllər bu prosedur təkcə Apple, Samsung, Microsoft kimi şirkətlər tərəfindən həyata keçirilirdi. Son bir neçə il ərzində Amerika İT nəhəngləri gərginləşən geosiyasi vəziyyət, eləcə də blokadalar səbəbindən tədarük zəncirlərindəki fasilələr səbəbindən istehsallarını Çindən fəal şəkildə geri götürürlər.

Uğurlu danışıqlar Hindistanda Pixel smartfonlarının populyarlığının artmasına da səbəb ola bilər. Hindistan həm internet xidmətlərində artım, həm də aparat baxımından Google üçün mühüm bazardır.

Daha əvvəl bildirilmişdi ki, “Apple” qırmızı alma loqosu ilə bağlı İsveçrə məhkəməsində Fruit Union Suisse-ə qarşı iddia qaldırıb.