Türkiyə Milli Təhlükəsizlik Şurasının avqustun 9-da prezident Rəcəb Tayyib Ərdoğanın sədrliyi ilə keçiriləcək iclasında taxıl tədarükü və taxıl dəhlizi mövzusu müzakirə olunacaq. Azadmedia.az xəbər verir ki, bu barədə Türkiyə liderinin ofisindən məlumat verilib.

“Çərşənbə günü Ərdoğanın sədrliyi ilə Milli Təhlükəsizlik Şurasının iclası keçiriləcək. Terrorizmlə mübarizə, həmçinin Rusiyanın taxıl müqaviləsindən çıxması ilə dayandırılan taxıl tədarükü müzakirə olunacaq”, - məlumatda deyilir.

Ərdoğanın Nazirlər Kabineti bazar ertəsi Ankarada taxıl anlaşması və Rusiya lideri Vladimir Putinin Türkiyəyə səfərini müzakirə etmək üçün toplaşmışdı.