Gürcüstanın "Georgian Wings" aviaşirkəti sentyabrın 6-dan Tbilisi-Bakı-Tbilisi marşrutu üzrə uçuşlara başlayacaq. Azadmedia.az xəbər verir ki, bu barədə şirkətdən məlumat verilib.

Uçuşlar həftədə üç dəfə (çərşənbə, cümə və bazar günləri) həyata keçiriləcək. Biletlər hələ satışda deyil.

Xatırladaq ki, Azərbaycanın aşağıbüdcəli “Buta Airways” aviaşirkəti də Bakı-Tbilisi-Bakı istiqamətində gündə iki dəfə uçuşlar həyata keçirir.

Bu ilin iyun ayından etibarən “Buta Airways” yay cədvəli çərçivəsində Bakı-Batumi marşrutu və əks istiqamətdə xüsusi reyslər həyata keçirir.