İranın xarici işlər naziri İran-Azərbaycan-Türkiyə formatının bərpası təşəbbüsü ilə çıxış edən türkiyəli həmkarının təklifini dəstəkləyib. Əsas vəzifə Qafqazda sülh və sabitlikdir.
İran İslam Respublikası İran-Azərbaycan-Türkiyə formatının bərpasının tərəfdarıdır. Azadmedia.az xəbər verir ki, bu sözləri dünən İranın paytaxtında xarici işlər naziri Hakan Fidanla keçirilən danışıqların yekunlarına dair mətbuat konfransında çıxış edən İranın xarici işlər naziri Hüseyn Əmir Abdullahiyan deyib.

İranlı diplomat qeyd edib ki, İran tərəfi türkiyəli nazirin təklifi ilə bağlı Türkiyə ilə tam razıdır. Ankaranın təşəbbüsü İran-Azərbaycan-Türkiyə üçtərəfli formatını yenidən işə salmaqla Qafqazda sülh və sabitliyin bərpası ilə bağlıdır. Əsas məqsəd etibarlı əməkdaşlığı təmin etməkdir.

Abdullahiyan tərəflərin bu istiqamətdə birgə addımlar atacaqlarına əmin edib.