2024-cü ilin dövlət büdcəsi layihəsində dövlət borcuna xidmətlə bağlı 1 milyard 972 milyon manat xərc nəzərdə tutulub. Bu il eyni göstərici 1 milyard 182 milyon manat idi.

Yəni, 2024-cü ildə hökumət 2023-cü illə müqayisədə 790 milyon manat və ya 67% daha çox borc ödəyəcək.

2024-cü ildə dövlət borcu üçün nəzərdə tutulan 1 milyard 972 milyon manatın 1 milyard 472 milyon manatı - 75 faizi xarici, 500 milyon manatı (25 faizi) daxili borcla bağlı olacaq.

Azadmedia.az nəzərə çatdırır ki, 1 milyard 972 milyonluq borc ödənişinin 1 milyard 122 milyonu faiz ödənişi olacaq.