Ailə, Qadın və Uşaq Problemləri üzrə Dövlət Komitəsinin hesabatında bank sektoru ilə bağlı orijinal bir rəqəm paylaşılıb. Azadmedia.az xəbər verir ki, hesabatda ölkədə banka kredit borcu olanların cinslər üzrə sayı qeyd edilib.

Məlum olur ki, bu il yanvarın 1-də:

Banka borcu olan qadınların sayı – 1.038.373 nəfər

Banka borcu olan kişilərin sayı – 1.569.432 nəfər

Toplam: 2.607.005 nəfərdir.

Ancaq, onu da nəzərə almaq lazımdır ki, bir adamın bir neçə banka borcu varsa bu siyahıda bir dəfə deyil, borcu olan bankların sayı qədər daxildir. Saya bütün növ kreditlər daxildir.

Bu baxımdan, ehtimal ki, ölkədə banka borcu olanların sayı 2 milyon nəfərə yaxındır. Bu isə, ölkədə 18+ əhalinin təxminən 25 faizi deməkdir. Göstəricinin nisbətən aşağı olmasının səbəbini rəsmi gəliri olan əhalinin sayının çox olmaması ilə izah etmək olar.
Qeyd: Məqalədə Çəpəki teleqram kanalından istifadə olunub