Noyabrın 21-22-də Ankarada ümummilli lider Heydər Əliyevin 100 illiyinə və Türkiyə Cümhuriyyətinin yaradılmasının 100 illiyinə həsr olunmuş “İş dünyası - 100 ilin zirvəsi 2” biznes forum-sərgisi keçiriləcək. Azadmedia.az xəbər verir ki, bu barədə Kiçik və Orta Biznes Subyektləri və Klubları Assosiasiyası məlumat yayıb.

60-a yaxın kiçik və orta sahibkarlığın (KOB) iştirak edəcəyi biznes forum-sərgi Dərnəyin və Türkiyə-Azərbaycan Dostluq, Əməkdaşlıq və Həmrəylik Fondunun təşkilatçılığı ilə reallaşacaq.

Tədbirin məqsədi Azərbaycan və Türkiyə arasında iqtisadi əlaqələrin möhkəmləndirilməsi, iki ölkənin kiçik və orta biznesi arasında əməkdaşlığın inkişafına kömək etməkdir.