Gürcüstanda qumar biznesi üçün vergilər tezliklə yenidən qaldırılacaq. Sonuncu dəfə keçən il böyüdülər.
Gürcüstanda qumar biznesi üçün növbəti vergi artımı gözlənilir. Azadmedia.az xəbər verir ki, bunu ölkənin baş naziri deyib:

"Biz parlament çoxluğuna qumar biznesi üçün vergi dərəcəsinin dəyişdirilməsi ilə bağlı yeni təşəbbüs təqdim edəcəyik. Plana əsasən, qumar biznesinin mənfəətindən 10% deyil, 15%, uduşlardan isə 2 faiz əvəzinə 5 faiz vergi tutulacaq.”
İrakli Qaribaşvili qeyd edib ki, bu, büdcəyə il ərzində əlavə 400 milyon lari (təxminən 150 milyon dollar) daxil olmağa imkan verəcək:
"Təəssüf ki, qumar biznesi inkişaf edir. Bu bizneslə hələ də çox sayda vətəndaş məşğuldur"- deyən hökumət başçısı həmçinin qeyd edib ki, ötən ildən bu günə qədər dövriyyə 48 milyard dollardan 52 milyard dollara yüksəlib.

Xatırladaq ki, qumar biznesi üçün vergi və ödənişlər sonuncu dəfə 2022-ci ildə artırılıb.