Bu ilin aprelində Dövlət Sosial Müdafiə Fondunun sərbəst vəsaitlərindən istifadə qaydaları müəyyənləşdirilmişdi. Hesablama Palatasının məlumatına görə, il ərzində DSMF-nin 600 milyon manatlıq sərbəst vəsaiti investisiya edilib.

Həmin vəsait aşağıdakı istiqamətlərə yönəldilib:

- İki bankda 30 milyon manat depozit yerləşdirilib

- Maliyyə Nazirliyi tərəfindən emissiya edilmiş dövlət zəmanətli istiqrazların alınmasına 403 milyon manat investisiya edilib

- İnvestisiyaların daha 167 miluon manatı əks-repo əməliyyatlarına yönəldilib

Yəni, gözlənildiyi kimi DSMF-nin sərbəst vəsaitlərinin investisiyalara yönəldilməsi daxili resurslar hesabına xarici borcları azaltmaq stategiyasının tərkib hissəsidir. Son illər Azərbaycanın xarici borcu azalsa da, daxili dövlət borcunda ardıcıl artım nəzərə çarpır.