Növbəti həftə (13,14,16,17 noyabr tarixləri) saat 11:00-dan 12:00-dək daha 4 rayonda "Azəriqaz" İB-nin “Açıq mikrofon” aksiyası keçiriləcək. Aksiya həftənin 1-ci günü Oğuz rayonunda (Zərifə Əliyeva Parkı), 2-ci günü Qax rayonu, Qarabaldır kəndində (kənd orta məktəbinin qarşısı), 4-cü günü Zaqatala rayonu, Fındıqlı kəndində (İcra nümayəndəliyinin qarşısı), 5-ci günü isə Ağdaş rayonunda (Habil Əliyev adına musiqi məktəbinin qarşısı) baş tutacaq. Vətəndaşlar qeyd olunan ünvanlara yaxınlaşaraq “Açıq mikrofon” aksiyasının imkanlarından maksimum istifadə edərək, öz problem və təkliflərini rahat şəkildə ifadə edə bilərlər.