Rusiya şirkətləri Qarabağ və Şərqi Zəngəzur rayonlarının bərpası üçün Azərbaycana 22 layihə təqdim edib. Bunu Milli Məclisin (MM) üzvü Nizami Səfərov Milli Məclisdə Azərbaycan və Rusiya arasında əməkdaşlıq üzrə parlamentlərarası komissiyanın iclasında çıxışı zamanı deyib.

“Dekabrın 8-nə olan məlumata görə, Rusiya şirkətlərinin 22 layihəsi Azərbaycanın strukturlarında, o cümlədən Energetika Nazirliyi, Kənd Təsərrüfatı Nazirliyi və “Azərbaycan Dəmir Yolları” QSC tərəfindən nəzərdən keçirilir”, - o vurğulayıb.

Bundan əlavə, o qeyd edib ki, 1995-2022-ci illər ərzində Azərbaycan iqtisadiyyatına Rusiyanın birbaşa investisiyalarının həcmi təxminən səkkiz milyard ABŞ dolları təşkil edib ki, bunun da altı milyardı qeyri-neft sektoruna aiddir.

"Azərbaycan da öz növbəsində Rusiya iqtisadiyyatına bir milyard dollardan çox sərmayə qoyub. Azərbaycanda 1742 Rusiya kommersiya müəssisəsi var ki, onlardan 1247-si aktiv iqtisadi fəaliyyət göstərən şirkətlərdir", - o əlavə edib.